Ferienberichte

Wind u meh Wind

Hüt hets üs auso am strand fasch drvo kuttet. Ha natürli scho chli  buchweh gha, scho nume dra z dänke dass luca o use wott. I bi wiä uf nadle gsi! Öppe gar nüt entspannts. I bi dert düre ä mega gluggere. E ja, isch ja o mi giu. Gölä het nä gha bis är […]

on Oct 10 2016

Schad u so …

Am fritig si mir am 6.00h am morgä gäge cumbuco zue gstartet. I ha eifach nomau derthäre welä ga luege, wo mir vor 6 u 5 jahr si gsi. äs het üs dert ja mega gfaue gha. I ha ono mau zum huus welä ga luegä. Bi extrem gspannt gsi, ob dä ricardo (vermieter) no […]

on Oct 09 2016

  The Lams Family

Luca @ GMP

IMG 0561

Am Samschtig het sich dr Luca no mau so richtig chönne ufen Snowboard ustobe. Im Grand Masta Park …

on Mar 29 2015

time …

rigge

hine simer diä ganzi bandi ga ds znacht ässe. isch henne schön gsi. leider het mi ander cousin nid chönne cho. dä isch ds banff am schaffe. isch äs mega gschnurr gsi. big boss natürli obe am tisch!

on Jul 18 2014

The LAMS Blog

Wind u meh Wind

on October 10th, 2016 | Filed under Ferienberichte

Hüt hets üs auso am strand fasch drvo kuttet. Ha natürli scho chli  buchweh gha, scho nume dra z dänke dass luca o use wott. I bi wiä uf nadle gsi! Öppe gar nüt entspannts. I bi dert düre ä mega gluggere. E ja, isch ja o mi giu. Gölä het nä gha bis är ufem brätt isch gsi.

img_2283

Äs het ghudlet u da, ds wasser vo dä wäuä isch cho z flüge u mir froue si zerst mau so richtig paniert worde. Das hani auso no nie erläbt.

img_2327

Luca u gölä si wider hennä am umekurve gsi. Aber wo du luca nachem nä sprung sis brätt hett verlore, em ja. Chöit öich ja vorstellä wiä i gschlückt ha. Isch aber aues guet use cho. Är het das tip top gmacht. Zum zmittag hani mau ä sones acai müesli mit banane probiert. Het mi nid grad so guet dünkt. Isch mega viel gsi. Auso i has gseh mit däm super vitamin zügs.

img_2409

Morn nimi wider ä banane scheik.

Comments Off on Wind u meh Wind

Schad u so …

on October 9th, 2016 | Filed under Ferienberichte

Am fritig si mir am 6.00h am morgä gäge cumbuco zue gstartet. I ha eifach nomau derthäre welä ga luege, wo mir vor 6 u 5 jahr si gsi. äs het üs dert ja mega gfaue gha. I ha ono mau zum huus welä ga luegä. Bi extrem gspannt gsi, ob dä ricardo (vermieter) no dert wohnt oder nid. Scho d fahrt (outobahn) isch intressannt gsi. Plötzich ä fuessgängerstreiffe, ä amplä, ufem «pannestreiffe» ä galopierende esel mit ahänger, si bim nä hotel düre gfahre ohni fänster, ufere strass gsi wos nume lastwäge het gha (ob mir ja dert richtig si gsi, das frag i mi),

img_2242

chind wo am strasserand wasser verchouft hei. Nach fortaleza simer när richtig caucaia, dert simer zmiz dür d stadt gfahre. Äs het mi richtig beeländet wasmer dert hei gseh. Küder küder u nomau küder. Eifach himmutruurig. Ds Icarai simer när i derä bäckerei wos scho denn het gä ganes sändwich ässe. In Tabuba acho simer diräck zu «üsem» huus gfahre. Mir si grad aui chi schockiert gsi.

img_2223

üsi villa het schlimm usgseh. Löcher ir wand, d farb wäg (isch so türkis mit gäub agmale gsi), het verlasse usgseh. Aber dr garte het isch schon grün gsi. Auso muess öpper drzue luegä. I bi du zum nachbar ga frage, ob dä immer no da wohni. Ja ja, het är üs aglächlet u mit üs gschnuret aus würde mir üs scho ewig kennä. Das ig nüt ha verstande het är gloub nid gmerkt. Aber das är üs het öppis z trinke abotte hani verstande. Si zrugg zum huus nomau ga chlopfe u hei grüeft (git äbä kes lüti), u när isch är cho uf tue. Im erste momänt het är üs nid kennt, aber wo mir du hei afe redä, da hets bi ihm klick gmacht. D kiddis hei gfundä, dä heig usgseh wiä är ruf droge wär. Dr saber i dä muulegge het är immer no gha (het mi den zumau scho gruuset). Mir si du hurti (öppe ä stund) i garte chli ga höckle. Är het üs viel verzellt vo dene 5 jahr. Är isch bau chli depri gsi. Jetzt wott är ds huus verchoufe. Är weli nöi afa. Het chräbs gha u vor schwarze magie besässe gsi. (hmmmmm…). Jetzt geits ihm aber sit em nä jahr umi guet. I gloube das het luca bau chli angst gmacht. Jä nu, jetzt wüsste mir emu, wo mir de häre müesste … Är het üs o viel vo Brasilie verzellt, vo dä oberste u was alles vertuscht isch worde bir WM u Olympia. Dases vielnä brasilianer meh gschadet het als öppis gnüzt het. Tja, das isch gloub vo ort zu ort verschiede.

Womer si hei cho, isch bi üs dr pool ganz gruusig giftig grün gsi … hei doch no hurti welä ä gump ga dri ä. Nüt isch gsi.

img_2243
Uf jedäfau bi ig mega froh, hei mir üs für parajuru entschiedä. Mir fühle üs im huus mega wohl! O dr ort u dr strand si mega suber. Eifach herrlich!!

img_2280

Gester isch d sunne extrem starch gsi obwohls zwüsche düre bewölkt isch gsi. Äs het ab dä drü fasch nümme gluftet. Mi maa het du bau ä sunnestich verwütscht. Am abe hets du langguste u fleisch gä. I ha äbä diä fiecher nid so gärn. Si riise tütscheni gsi. Gölä het vine biz gmurgset für dr panzer uf ztue. Ds fleisch het ihn nid so fein dünkt. Tja, jetzt wüsse mirs. Hei emu aui probiert.
Übrigens isch dr pool wieder wunderbar klar.

img_0020

Hüt simer scho früh am strand gsi. Poaaaaaa, leider isch ä riise gruppe kiter acho. So dooof! Bis jetzt isches so gmüetlich u zfridä u ruhig gsi. U när das??? Jä nu, o diä dörfe hiä ferie mache. Hätte ja aber eigentli ä wuche später chönne cho. Jetzt hets immer gheisse, dä kitespot kenni niemer. Ha ha ha! Das isch aber ke grund gsi, dr hütig windig tag ds gniesse. Äs het riese wällä gha u nä extremi strömig gäge links. Luca isch o dusse gsi, het mir aber nid so passt. Bi du froh gsi, woner nachere stund umi isch use cho. Gölä isch hennä i dä wälle ume ghönteret. Z mittag heimer no dert gässe si aber när hei. Ä chli d ruh ga gniesse. Heiter scho mau life ä kolibri gseh. Isch ja ganz ä lustige vogu. Hanim hüt chli zue gluegt. Räch närvös das chline vögi.

Znacht simer ines hotel ga ässe. Bim östricher Franz. Isch u fein gsi. är het üs no grad sini alag zeigt. Wow, hennä schön. Dert würd i mi ono wohl fühle. Aber nei, hiä isches eifach perfekt. Merci sabine fürs huus z vermietä!! So jetzt isch scho haubi nüni, ab ids bett. Guet nacht.

Comments Off on Schad u so …

So o scho …

on October 7th, 2016 | Filed under Ferienberichte

si umi äs paar intressannti täg verbi graset. sis immer no am gniesse!

I bi also voll vom nä bluetegel atakiert worde. Dä siech het mi i oberschänku bisse. Das het auso rächt brönnt. När hani nä fasch nümme drab bracht. Isch sicher auso 1cm läng gsi. Scho nume d vorstellig dass säch sones tier i mini hut het drängt u när no bluet het gsugt, isch auso so öppis vo grusig. E jä nu, houptsach däm fich hets passt.

Marco het am Franciscus no gholfe bim stromere. D ussebelüchtig isch nümme gange. Är isch fine biz froh gsi. u tataaa, si brönnt umi.

Bim kite isch nüt speziells passiert. Luca macht afe rächti sprüng u gölä plaziert dr kite ufem strand. Schöne scheiss, jetzt het är ä schramme im schirm. Chöit öich ja vorstelle, wiä dä dampft het. Dases nid no pfiffe het, isch äs wuder. Dr brünu het du afe gmeint, i söll im äs bier bringe, düngi d närve chli beruhigä 😉 . Zum glück chöise nä hiä grad flicke.

Gester heimer sälber cashew nüss brate. Isch auso ä mega chnübli büetz. Zerst d frucht wäg nä, när das ding brätle, när diä nuss ufschla, hesch aber de nid z fescht dörfe brätsche, schüsch isch d nuss grad muess gsi. Mir hei aui wiä chemifägere usgeseh.  Mir hei auso öppe 45minute für näs schäli brucht ds viert u üser huuslüt hei denn ds zwöit sicher scho zwöi schäli voll gha. Tja. Müesse no chli übe!

img_2097 img_2145

img_2147 img_2150

Hüt simer in Aracati gsi. Isch äs chlises stedtli. Ir chöit öich das nid vorstelle, dä lärm diä lüt eifach dr wahnsinn. Mir si üs das gar nümme gwanet, bi üs hiä isches rächt still (ussert ds radio outo mit dä mega boxe ufem dach 2x2m, wo am ume kurve isch im chline dörfli, lutsterchi uf ghörlos). Fasch i jedem lade steit ä rise lutsprächer wo music louft. Natürlich spile si nid die glichi ab. Mir hei dringend gäud brucht. Da mir wider si vertröschtet worde, heimer dänkt, luege mir de grad im stedtli. Tja, isch nid viel besser gsi. Aber mir heis du gschafft. D lüt si schlange gstande für iri ränte ga ab z holä. D polizei het müesse wach stah, dass si säch nid no vertramplet hei. Isch äs komisches gfühl gsi. U mir si eifach so ä bankomat u hei chole usegla. Si aber vorhär o uf drei banke ga probiere bises du klappet het.

Genau, hüt het üs d Edinete no ä typisch brasilianische Bolo (chuechä) bache. Mit früscher kokosnuss. Isch auso sehr fein gsi. Wär wott o chli probiere?

img_2217

D sira u i hei hüt ä riise schreck gha ir früsch fleisch abteiig im shopping center (auso shopping center isch grad chli übertribe, isch öppe so gross wiä ds strättlig coop). Bi mir vor cho wiä bi versteckti kamera. D sira het so voll konzentriert id glasvitrine gluegt wo diä grosse bize fleisch ghanget si. U i bi hinder ire gstande u ha o gluegt. När bewegt säch plötzlich öppis u mir beide si so fescht verchlüpft dass mir ä gump gno hei. Dr metzger wo öppis isch am abhänke gsi ir vitrine isch du ab üs verchlüpft. Was sone hand im nä plastichändsche cha verursache … ehrlich gseit, putzt smi jetzt immer no vor lache.

Morn gömer mau wieder uf Tabuba/Cumbuco. Dert häre wo mir diä letschte zwöi mal si gsi. bi gspannt, obs no glich usgseht.

Comments Off on So o scho …

Hüt …

on October 1st, 2016 | Filed under Ferienberichte

Hüt heimer irgendwiä nid viel erläbt u de glich 🙂

Am morge hets migozel äs mini bizeli grägnet. Auso öppe so 10 tröpf. Ds internet isch grad nümme gange. Nachem Zmorge heisi bereits ds 2,5kg schwäre Poulet glieferet.

Relativ früh simer am Strand gsi. Het hüt fasch ke wasser gha. D sira het säch umi dr chli thuner giu gschnappet u isch mitim ga sandelä. Gölä het mit mir ufd sandbank welä loufe. Wär öppe 100m dürs wasser gsi u ca 30cm töif. Zmiz drinne hani uf zmau fasch chli afe doof tue. Läck ha ig uf zmau panik becho. I bi immer meh im sand i gsunke. Gölä het gfundä, das sigi dänk normau, i bruchi ke angst ds ha. Genau, i bi fasch usem tümpu gseklet hamer so richtigi horror märli afe ibiudä. Mi maa hets nid so lustig gfundä dasi umi zrugg bi. Sorry!

Luca isch du afe ga kite u mir grosse hei no chli gschnurret zämä. Si afe ä mega tschuppälätä. Aber dases luca übere strand i het schleipft, het niemer gseh. I ha du chli komisch gluegt, wo dr Kitelande u startmaa mit luca zämä isch cho z loufe. Är het luca hindä gha u het sis brätt treit. I ha du luca no so doof gfagt, boz du gisches de o afe düre, dass dr ander dir ds brätt treit. När isch luca zu üs cho, u het ds bei zeigt, ca 20cm hut isch ab grasplet gsi vom sand. I hami du subito entschuldiget bi im. Bir station heisi ihm du chli merfen druf ta. Tja, dumm gange.

Gölä het o uf zmau gredi use bägget woni am fötelä bi gsi. Andrea Andrea!!!!! I bi hennä verchlüpft. Ha aber zerst no mis händi müesse ga ids kitschener seckli tue, bevor ig ihm ha chönne ga häufe. Är isch immer no am zablä gsi. Was hesch was hesch, mi het ä chräbs zwüsche dä zäiie klemmpet. Ihr müesst öich jetzt nid sonä riise kräbs vorstelle, dä isch sicher ä haube cm im durchmässer gsi. Aber äbä, kräbs isch kräbs. I bi fasch vereckt vor lache. Natüri isch du dr schirm ache tätscht ufe strand, u genau der wos so schwarze lehm het gha. Chöit öich ja vorstellä wiä gölä si häll grün schirm het usgseh. Wo ig ihm nä umi gstartet ha gha, hani usgseh wiä ä dalmatiner hund. Wääääää!!!
Nachem zmittag ässe ir kiteschuel (käse schinke toast, hamburger u fruchtsalat) isch gölä nomau ga kite. Hüt hets rächt lüt gha ufem wasser. Luca het nümme möge. Het mi ja scho komisch dünkt. Luca isch ir hängematte gläge wiä dr hund wo alli vier bei vosech gschtreckt het.

img_2077
Luca het leider du plötzlich fieber gha.

Nachem zacht het d Edinete üs verzellt, das ds huhn ä stund vorem bringe no gläbt heigi. Wesi mir das vorem ässe gseit hätti, hättis gloub nümme chönne ässe.

img_2078
Aber das pulet isch uf jedäfau früsch gsi.

Comments Off on Hüt …

Huustier, Kiter, Grille u Beachpark

on September 30th, 2016 | Filed under Ferienberichte

Hei scho umi rächt viel erläbt i denä täg. Gester womer vom ichoufe si hei cho, hei üs d kiddis äs paar föteli vom nä grosse schöne grüenä leguan zeigt. Dä isch frisch fröhlich im garte am spaziere gsi J. Isch schono so speziell, bi üs muesch ine zoo dass so öppis gsesch.

leguan
Am morge hets ganz weni meer gha u viel strand. Isch hennä speziell gsi. I gloube bis jetzt het dr strand no niä glich usgseh womer si cho. Äs isch umi ä super kite tag gsi. Am morge flachwasser u ab em mittag wällä.

img_1991

Bir kitestation hets zwöi dütschi päärli, äs paar iheimischi zwöi bieler päärli u zwöi thuner familienä. Mir hei diä andere thuner aber nid kennt. Isch mängisch schono intressannt. Gölä u i hei no hurtig uf fortim welä ga gäld usela. Dr lieb bank diräkter wo dusse ufem nä stühli isch ghöklet, het üs du gseit, hüt heigis ke gäud, vilech de morn. Tja, isch ja o ä variante. Das würdi eim ir schwiz o nie passiere. Jä nu, när simer haut umi ohni gäud zrugg. Am abe heimer bir kiteschuel äs brätle gha. Isch hennä fein gsi. Luca isch ir hängematte ume tschillet du sira het dr chli thuner giu beschäftiget. Mega härzig gsi. Zerst mau simer erst am 22.00 ids bett, bis jetzt simer immer am 20.00 im bett gsi, e ja, wemer am morge am 6.45 ufstöh. Ehrlich gseit hani hüt am morge gar nid uf möge! Aber üses zmorge het bereits ufem tisch uf üs gwartet u dr kafi duft isch üs um d nase ume tanzet.

När heimer üs ufe wäg nach fortaleza i beach park gmacht. Luca het gar nümme chönne höre schnurre, so het är säch gfreut. Isch aber de nid öppe billig gsi. Puuu, ds kreditchärti het mega freud gha!! Miner liebe si afe mau grad mit mir uf diä ersti wasserbahn cho, ehrlich gseit isches eifach ä sone wasserkanal gsi wo ufem ring bisch ghocket u di hesch lä ume zie vor strömig. När het luca uf diä ganz grobi wöllä. Ändlech isch är gross gnue gsi u är het chöna ga. Im 2012 isch si diä höchsti rutschig si mit 41 meter.  Natrüli hets ihm passt.

img_0046

Mit mir sisi du ono ufnä ganz ä harmlosi cho. Heisi emu verzellt. Sälstverständlich hani das mire fämili gloubt. Under wägs uf dä turm uech, isches mir immer komischer worde. Isch grad chli höch gsi, weisch mama, isch überhoupt nid schlimm u schnäu geit si scho gar nid. Genau!! Chum bini uf däm gummi ring obe ghocket (z viert) isch das ab wiä nä more. Bi mir isch ke ton me use cho, i ha so päääääget. Äs het ghudlet u sprüzt u scho simer dunge gsi. Ha öppe gar nid so freud gha, u glich bini äs bizeli stolz gsi, dass i überhoupt mit bi.

img_0113

I bi du när gmüetlich chli ga höcklet u ha ds rütsche dä andere überla. Di kiddis u dr gross hei fasch nid gnue übercho. Zum schluss si du d jungs nomau uf diä ganz grobi. U zum absolute schluss heimer no ä ovo glace gässe, d brasilianer spinne uf diä glace.

U no zum absolute absolute schluss heimer umi äs föteli mit em gorilla gmacht, heier diä letschte zwöi mal o gmacht.

img_0129  img_0128

Ändlech heimer dert du ono chönne gäud usla. Dert hets no gha 😉 Mi maa isch auso bau chli lam glüffe nachem Park, het äuä ds füdli grad chli überstrapaziert! Brucht gloub de o ä massage.

Übrigens hani ä u hollä reaktion uf diä massage gha. I hami gfühlt, als hätt i dr ganz rügge blau u grün. U morn hani scho dr nächst termin. E ja, inzwüsche fühle i mi scho umi super fit.

Comments Off on Huustier, Kiter, Grille u Beachpark