Ferienberichte

merci …

rv

mi maa isch eifach dr best! är isch aues gfahre, das heisst diä 3000 km. ! är het immer kochet, für üs ! är het für üs gsorgt ! är het immer wo mir o grad si gsi, gwüsst wo mir si !

on Jul 30 2014

chli ga loufe …

vc

hüt heimer chli vancouver unsicher gmacht. si fasch 20km glüffe. isch aber no cool, wedä ä stadt chasch ds fuess ga erkunde. zerst simer zum canada place glüffe …

on Jul 29 2014

  The Lams Family

Luca @ GMP

IMG 0561

Am Samschtig het sich dr Luca no mau so richtig chönne ufen Snowboard ustobe. Im Grand Masta Park …

on Mar 29 2015

time …

rigge

hine simer diä ganzi bandi ga ds znacht ässe. isch henne schön gsi. leider het mi ander cousin nid chönne cho. dä isch ds banff am schaffe. isch äs mega gschnurr gsi. big boss natürli obe am tisch!

on Jul 18 2014

The LAMS Blog

Luca @ GMP

on March 29th, 2015 | Filed under The Lams Family

Am Samschtig het sich dr Luca no mau so richtig chönne ufen Snowboard ustobe. Im Grand Masta Park ds Adelbode isch wider JumpBag Contest gsi. Hie äs paar Impressione:

IMG 0569

IMG 0573

Comments Off on Luca @ GMP

merci …

on July 30th, 2014 | Filed under Ferienberichte

mi maa isch eifach dr best!

är isch aues gfahre, das heisst diä 3000 km. !

är het immer kochet, für üs !

är het für üs gsorgt !

är het immer wo mir o grad si gsi, gwüsst wo mir si !

eifach merci viel mal schatz / papa für diä schöne ferie!!

Comments Off on merci …

chli ga loufe …

on July 29th, 2014 | Filed under Ferienberichte

hüt heimer chli vancouver unsicher gmacht. si fasch 20km glüffe. isch aber no cool, wedä ä stadt chasch ds fuess ga erkunde. zerst simer zum canada place glüffe. mir hei natürlich mit em nä grosse cruise schiff grächnet, aber nei, isch nume so näs chlises bötli dert gsi. leider!!!

DSC06624

vo dert us simer när richtig gastown. aber mir hei äs riiiiiisigs problem gha. mir hei sooooooo fescht hunger gha. äs isch scho fasch haubi elfi gsi, u mir hei immer no kes zmorge gha. vorauem dr kafi het gfäut!! ändlech, eis gipfeli heimer no chönne choufe. heimer du gviertlet 🙂

DSC06628 DSC06629

ufe ussichts turm heimer ono welä ga, aber dert si so viel lüt agstande u isch o nid grad äs schnäppli gsi, därum simer witer gschuenet. china town isch ds näschte gsi. leider isch dä teil wo mir si gsi, rächt versifft gsi. het mega vil komische lüt ume gha (inkl üs 😉 ) u isch rächt dräckig gsi.

DSC06630

dr na simer zum hockey stadium gange. wow!! da mir so heiss hei gha, heimer ghoffet gha, dass mir vielech hurti id ischhaue ine hätte dörfe ga luege. aber das sich leider nid gange. drfür heimer i fan-shop dörfe 🙂

DSC06631

dert isch o diä lustigi silbrigi chugele gsi …

DSC06636

bi dere chugele hets umi mega viel spiel müglichkeiten für d kiddis gha. heise fasch nümme wäg bracht!

DSC06646

hei simer du mit aquabus gfahre. isch auso no ä cleveri sach u macht no freud!! vorauem hesch no ä gueti ussicht 🙂

DSC06643

nach däm marsch heimer üs chli müesse ga erhole, wärde ja o nid jünger. gäge abe simer när zum olympia füür ga stuune. u o dert ir nechi heimer am peter siner wasserspiel gseh! ha aber zerst no per sms müesse nache frage wo de diä o si. heis nämli nid gfunde gha 😉

zum znacht heimer üs no mit mam u pap troffe. hei no ä gmüetliche abe gha! u jetzt heisst packe für hei z ga!!!!

Comments Off on chli ga loufe …

hmmmmmm …

on July 29th, 2014 | Filed under Ferienberichte

tja, jetzt simer scho ohni cämper underwägs u zmiz ir stadt vo vancouver im nä schöne hotel.

ufem wäg vo whistler uf vancouver, isch ja nid so lang, heimer no ä pflicht haut gmacht. mir hei welä ga luege ob dä kitespot ds squamish würkli so super isch. los, simer dert häre gfahre oder besser gseit gschüttlet. diä letschte paar kilometer si nämlich über nä schotterpiste gange. läck het das klimperet u gschüttlet. zum glück isch nüt kaputt gange.

DSC06602

mou, isch sehr schön gsi. aber wir würde für nä top spot glich umi uf brasilie 🙂

ds letscht mau i üsem cämper heimer ufem burnaby camping ds vancouver gschlafe. si üs vor cho wiä schwizer chünglä. isch hennä äng gsi. aber immerhin heimer d türe ufbracht u hei doch no dr slide out chönne usfahre. isch ä komischi stimmig gsi. womer du packt hei gha, si kiddis chli ga umeloufe u du no ga bade, marco het no chli gläse u i chli ga sünnele. isch aues chli agspannt gsi.

DSC06613

gschlafe hani grad gar nid guet. i wott dä cämper eifach nid abgä. mir hei üs aui zämä überleit, was mir chönnte mache, dass mir no chöi blibe. het leider nid klappet. o we mir d lüt bir retour station vom cämper mit hundeblicke agluegt hei, isches zäg bum gange u dr cämper isch wäg gsi. mir si auso gwüss grad ä paar träne cho. mir hei so nä schöni zit gha. äs het mega guet ta, für diä ganzi family!!!

mit em nä shuttel hei si üs ids hotel bracht. da si äs mega verchers chaos hei gha, simer nid ufe hwy sondern uf hundert näbesträssli down town acho. dä kiddis heimer gseit gha, mir sige chli usserhaub vor stadt. neeeeeeeeeeeeeeeeeei mama, wiso? mir wäre doch so gärn ine wolkechrazer ga schlafe. oh mann!! da heisi du gstuunet. vo witem hei diä hüsli nämlich nid so gruess usgseh!

01427171a2416751ea016aa2f2499123009fe57e55

015799006aa36ad4ced0abc6921a6711497415061d

da ds zimmer no nid isch nachegsi, simer chli ga umeloufe. per zufall simer grad zum granville cho. das isch so nä touriste inslä. hei dert dr wasserbus gno u si chli übere ga flaniere. isch no lustig gsi. dert hets o so nä indooor märit wiä ds barcelona.

0167737ef6cf348f9a5c676a9496317f23d0c272ab

gäge diä viere heimer du ds zimmer im 10 vo 34 stöck becho. wow!!!!!

d sira het du papa no hurti welä zum kampf usefordere … wär het äch gwünnä?

01aa1dcdc041aabae4776e8d8832c2297d92790b71

mutti hets du id shopping meile zoge. gölä u luca si fasch ab üs wiber verzwiflet. sogar d’zit heisi gno, wiä lang mir jezt dert inne si gsi.!! ja mir chöme, si hei nämlich hunger gha.

für d sira isches gloub grad chli tu matsch gsi. mir hei grad zwöi mau gseh, wiä si ä dieb hei fescht gno! wo du mini hand isch wiss aglüffe gsi, hani sä doch du müesse drum bitte, mini hand umi mau los zla!!

nachere churze duschi heimer üs parat gmacht für ga znacht z ässe. si zum japaner. hei dert üses fleisch säuber chönne brätle. cool! luca si fasch d ouge use gheit, wo mir hei kobe beef becho. wiso vermöge mir das? em luca, das isch eifach drbi. isch auso sehr feins fleisch!! isch ja o klar, diä rinder hei ja ds bessere läbe wo ig. massage hiä massage dert …

014f1f19a4bcdac4693a0a23e324f85bfbe70aa5f5

Comments Off on hmmmmmm …

u scho …

on July 26th, 2014 | Filed under Ferienberichte

hm, scho gli heissts umi packe u dr cämper abgä. mir gsniesse diä zwe letschte cämper täg no. so schad, i würdi no äs paar monet blibe.

hüt simer am nami nomau uf whistler eifach chli ga si. ufenes bike hättisch mi hüt nid unbedingt bracht. mis arsch tuet immer no weh. i gloube, i muess o anti sitz down hillerin wärde. isch äs hennä cools stedtli. hüt heimer üs mega amüsiert ab dä diverse lüt. vom biker zum snowboarder zum riverravter zum zepliner zum zueschouer und und und. mir hei so müesse lache. a klar, d triathleten hani vergässe. morn isch nämlich dr ironman vo kanada. mir hei o dä bäre umi chönne zueluege. bi froh, dass nume dr gali bär isch dert gsi gester bim fötele. d mama bär isch äs mega tütschi. ä riese bär. nach em nä chübü corona hei diä bärä no viel grösser usgseh. emu miner 🙂

DSC06547

auso d biker u o dr bär hets nid gstört dass si so nach binenang gsi si. isch aber o nume dr chli gsi.

bear

DSC06542

o bim olympia zeiche simer gsi. hesch bau müesse kämpfe für näs föteli. aui si geng umi dri gstande. hätti eigentli ä schöni kollone gha, aber äbä. äs het ganz hüfe verschidnigi charaktere gha dert uf däm platz. aber mir heis gschafft. hopp sira u luca, sofort häre stah u lache.

DSC06534

hiä no äs par föteli vo whistler:

DSC06556 DSC06568

DSC06580 DSC06570

jetzt düe mir hine nomau ganz fein grille. freue mi mega. hei no so feini grossi steaks!! niammmmm! oh nei, jetzt ischer grad cho säge, äs sigi ab sofort umi füüüür verbot. das gits doch nid! sooooo mega schad. jetzt heimer so viel holz viel fleisch u no meh hunger 🙁

Comments Off on u scho …